Angkor News – អង្គរ ព័ត៌មាន

ឯកឧត្តមបណ្ឌិត អ៊ាង សុផល្លែត, រដ្ឋមន្ត្រីក្រសួងបរិស្ថាន តំណាងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នាំគណៈប្រតិភូកម្ពុជា ចូលរួម ព្រឹត្តិការណ៍ពិសេសស្តីពីសកម្មភាពអាកាសធាតុ ក្នុងឱកាសសប្តាហ៍ជាន់ខ្ពស់ នៃមហាសន្និបាតអង្គការសហប្រជាជាតិលើកទី៨០ នៅទីក្រុងញូវយ៉ក។ កម្ពុជាបានបង្ហាញនូវ ផែនការជាតិរួមចំណែក (NDC 3.0) ដោយមានគោលដៅកាត់បន្ថយការបំភាយឧស្ម័នផ្ទះកញ្ចក់ ៥៥% ក្នុងឆ្នាំ ២០២៣៥ និងសម្រេចបាននូវ អព្យាក្រឹតភាពកាបូននៅឆ្នាំ ២០៥០។ កម្ពុជាក៏បានផ្តល់សច្ចាប័នជាផ្លូវការលើ កិច្ចព្រមព្រៀង BBNJ ក្រោមអនុសញ្ញា UNCLOS ក្លាយជាប្រទេសទី៥៦ ក្នុងចំណោម៦០ ដែលចូលរួមដំបូង។

ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទីស្តីការគណៈរដ្ឋមន្ត្រី បានជួបពិភាក្សាការងារជាមួយឯកឧត្តម Han Zheng អនុប្រធានាធិបតីសាធារណរដ្ឋប្រជាមានិតចិន ក្នុងឱកាសចូលរួមពិធីសម្ពោធ ពិព័រណ៍ចិន-អាស៊ាន លើកទី២២ នៅទីក្រុងណាននីង តំបន់ក្វាងស៊ី។ ឯកឧត្តម Han Zheng បានសរសើរចំពោះតួនាទីសំខាន់របស់ឯកឧត្តម វង្សី វិស្សុត ក្នុងការពង្រឹងមិត្តភាពកម្ពុជា-ចិន ជាពិសេសតាមរយៈការជាអគ្គលេខាធិការគណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិន។ គាត់បានបញ្ជាក់ថា ចិន-កម្ពុជាគឺជាមិត្តដែកថែប ហើយចិនបន្តប្តេជ្ញាគាំទ្រកម្ពុជា លើវិស័យអភិវឌ្ឍ និងកិច្ចសហប្រតិបត្តិការទាំងឡាយ។ ឯកឧត្តម វង្សី វិស្សុត បានផ្តាំផ្ញើសារសួរសុខទុក្ខពីថ្នាក់ដឹកនាំកម្ពុជា ជូនរដ្ឋាភិបាល និងប្រជាជនចិន និងអបអរសាទរខួប៨០ឆ្នាំ ជ័យជម្នះសង្គ្រាមប្រជាជនចិនប្រឆាំងជប៉ុន និងសង្គ្រាមប្រឆាំងហ្វាស៊ីសពិភពលោក។ ឯកឧត្តមក៏បានអបអរសាទរចំពោះការរៀបចំ ពិព័រណ៍ចិន-អាស៊ាន ប្រកបដោយជោគជ័យ និងចាត់ទុកវាជាវេទិកាសំខាន់សម្រាប់សហប្រតិបត្តិការខាងសេដ្ឋកិច្ច ពាណិជ្ជកម្ម និងឌីជីថល។ ក្នុងកិច្ចពិភាក្សា ឯកឧត្តមបានលើកឡើងថា ដំណើរទស្សនកិច្ចផ្លូវរដ្ឋរបស់ប្រធានាធិបតី ស៊ី ជីនពីង ទៅកម្ពុជាកាលពីខែមេសា និងការចូលរួមកិច្ចប្រជុំកំពូល SCO Plus របស់សម្ដេចធិបតី ហ៊ុន ម៉ាណែត បានបង្ហាញពីការយកចិត្តទុកដាក់ខ្ពស់ក្នុងការពង្រឹងសម្ព័ន្ធភាពដែកថែប…

ឯកឧត្តម គួច ចំរើន អភិបាលខេត្តកណ្តាល បានជំរុញដល់អាជ្ញាធរមូលដ្ឋាន រដ្ឋបាលក្រុង ស្រុកទាំង១៣ និងអ្នកពាក់ព័ន្ធ កណ្តាល, ១៥ កញ្ញា ២០២៥ – រដ្ឋបាលខេត្តកណ្តាលបានរៀបចំកិច្ចប្រជុំត្រួតពិនិត្យ និងផ្សព្វផ្សាយព័ត៌មានអំពីឱកាសការងារ ជូនបងប្អូនពលករខ្មែរដែលទើបតែវិលត្រឡប់ពីប្រទេសថៃ ក្រោមអធិបតីភាព ឯកឧត្តម សេង សក្កា រដ្ឋលេខាធិការ ក្រសួងការងារ និងបណ្ដុះបណ្ដាលវិជ្ជាជីវៈ និងឯកឧត្តម ហោ សុខណាក់ អនុរដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ។ ឯកឧត្តម គួច ចំរើន អភិបាលខេត្តកណ្តាល បានជំរុញឱ្យអាជ្ញាធរមូលដ្ឋាន ក្រុង ស្រុកទាំង១៣ និងភាគីពាក់ព័ន្ធ ត្រូវចូលរួមជួយពលករវិលត្រឡប់ទាំងអស់ឱ្យមានការងារធ្វើ ការចុះបញ្ជីអត្តសញ្ញាណប័ណ្ណ អាត្រានុកូលដ្ឋាន និងធានាឱ្យកូនចៅពួកគាត់បានចូលរៀន។ អភិបាលខេត្តបានសង្កត់ថា ការស្រង់ស្ថិតិពលករដែលវិលត្រឡប់ គឺជាចំណុចសំខាន់ក្នុងការផ្តល់ជំនួយឱ្យពួកគាត់រកការងារធ្វើក្នុងស្រុកវិញ។ តាមរបាយការណ៍ រដ្ឋបាលខេត្តកណ្តាលមានសហគ្រាស-គ្រឹះស្ថានសរុប ២,០៣១ ដែលបំពាក់និយោជិតជាង ២១៥,៤៧២នាក់ (ស្រី ១៤៣,០៦៧នាក់)។ ក្នុងនោះវិស័យវាយនភណ្ឌ សម្លៀកបំពាក់ ស្បែកជើង និងផលិតផលធ្វើពីស្បែក…

ភ្នំពេញ, ១៥ កញ្ញា ២០២៥ – ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញទទួលជួបជាមួយ អ្នកស្រីបណ្ឌិត សាង លី (Sang Lee) នាយិកាប្រចាំតំបន់អាស៊ីអាគ្នេយ៍នៃអង្គការ World Wide Fund for Nature (WWF) និងសហការី នៅទីស្តីការក្រសួង។ ក្នុងជំនួបនេះ ឯកឧត្តមរដ្ឋមន្ត្រី បានសម្តែងការស្វាគមន៍ និងកោតសរសើរចំពោះតួនាទីសកម្មរបស់អង្គការ WWF ក្នុងការគាំទ្រការងារអភិរក្សជីវចម្រុះ និងបន្តពង្រឹងភាពជាដៃគូជាមួយក្រសួង។ ពិសេស បានផ្ដោតលើ ការអភិរក្សសត្វផ្សោតទន្លេមេគង្គ ដែលជារតនសម្បត្តិដ៏មានតម្លៃសម្រាប់កម្ពុជា និងពិភពលោក។ ឯកឧត្តមរដ្ឋមន្ត្រី បានលើកទឹកចិត្តឱ្យអង្គការ WWF បន្តកិច្ចសហប្រតិបត្តិការយ៉ាងជិតស្និទ្ធ ដើម្បីធានាឲ្យការងារអភិរក្សទទួលបានលទ្ធផលប្រសើរឡើងទៀត បង្កើនទំនុកចិត្ត និងសម្លេងតែមួយ ក្នុងគោលដៅសហរដ្ឋភាពសម្រាប់ការអភិរក្សធនធានធម្មជាតិ និងអភិវឌ្ឍន៍ប្រកបដោយចីរភាព៕

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញនាំយកទេយ្យវត្ថុ និងបច្ច័យជាសទ្ធាជ្រះថ្លា ទៅវេរប្រគេនแดសម្តេចព្រះព្រហ្មរតនមុនី ពិន សែម ព្រះប្រធានថេរសភានៃព្រះពុទ្ធសានា និងជាព្រះចៅអធិកាវត្តរាជបូណ៌ ក្រុងសៀមរាម ខេត្តសៀមរាប ដើម្បីរួមចំណែកឧបត្ថម្ភព្រះសង្ឃក្នុងឱកាសបុណ្យភ្ជុំបិណ្ឌ តាមប្រពៃណីព្រះពុទ្ធសាសនាដែលបានអនុវត្តជាបុរាណ។ ក្នុងឱកាសនោះ សម្តេចព្រះព្រហ្មរតនមុនី ពិន សែម បានឧទ្ទិសកុសលផលបុណ្យទៅវិញ្ញាណក្ខន្ធអ្នកឧកញ៉ា ហ៊ុន នាង និងមហាឧបាសិកា ឌី ប៉ុក (បិតាមាតាបង្កើតសម្តេចតេជោ ហ៊ុន សែន), វិញ្ញាណក្ខន្ធមហាឧបាសក លីន គ្រី និងអ្នកឧកញ៉ាព្រឹទ្ធមហាឧបាសិកា ប៊ុន ស៊ាងលី (បិតាមាតាបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន), កុមារា ហ៊ុន កំសត់ និងញាតកាទាំង៧សណ្តាន ដោយសូមអោយទាំងអស់បានទៅកាន់សុគតិភពដោយអស់អង្គ។ ក្រៅពីនេះ សម្តេចកិត្តិព្រឹទ្ធបណ្ឌិត ក៏បានអញ្ជើញទៅថ្វាយបង្គំព្រះអង្គចេកព្រះអង្គចម នៅបរវេណបុរាណសំខាន់ ក្នុងថ្ងៃដូចគ្នា។

ចេញផ្សាយ ថ្ងៃទី ១១ ខែ កញ្ញា ឆ្នាំ ២០២៥ នារសៀលថ្ងៃទី១០ ខែកញ្ញា ឆ្នាំ២០២៥ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអនុញ្ញាតជូនលោក MA Tieqiao អគ្គនាយកក្រុមហ៊ុន Guilin Junda Transportation និងសហការី ចូលជួបសំដែងការគួរសម ពិភាក្សាការងារ និងស្នើសុំអនុសាសន៍ដ៏ខ្ពង់ខ្ពស់ ព្រមទាំងកិច្ចសហការគាំទ្រលើគម្រោងវិនិយោគក្នុងវិស័យទេសចរណ៍ នាទីស្តីការក្រសួង។ ក្នុងជំនួបដ៏សំខាន់ និងប្រកបដោយផ្លែផ្កានេះ ឯកឧត្តមរដ្ឋមន្រ្តី បានថ្លែងអំណរគុណ កោតសរសើរ និងវាយតម្លៃខ្ពស់ចំពោះគំនិតផ្តួចផ្តើមបោះទុនវិនិយោគរបស់ក្រុមហ៊ុនដែលបានចាប់អារម្មណ៍លើសក្តានុពលទេសចរណ៍ប្រកបដោយថាមពលរបស់កម្ពុជាដែលជាទីផ្សារទើបនឹងរះ ព្រមទំាងការជឿជាក់ដ៏មុតមាំលើការដឹកនាំប្រកបដោយគតិបណ្ឌិត ត្រឹមត្រូវ និងចក្ខុវិស័យវែងឆ្ងាយរបស់រាជរដ្ឋាភិបាលកម្ពុជា ដែលបន្តធានានូវកត្តាសុខសន្តិភាព ស្ថិរភាពនយោបាយ សេដ្ឋកិច្ច និងសង្គម ជួយឱ្យមានការអភិវឌ្ឍឥតឈប់ឈរលើគ្រប់វិស័យជាពិសេសហេដ្ឋារចនាសម្ព័ន្ធគាំទ្រដល់វិស័យទេសចរណ៍ និងការធានាសុខសុវត្ថិភាពដល់អ្នកទេសចរជាតិ និងអន្តរជាតិ។ ឯកឧត្ដមរដ្ឋមន្ត្រី បានគូសបញ្ជាក់ថាជំនួបនាពេលនេះជាជំហានមួយឈានទៅដល់ការអនុវត្តជាក់ស្តែងនៃគម្រោងវិនិយោគដ៏ធំ និងមានសារៈសំខាន់ដល់វិស័យវិនិយោគ ព្រមទាំងជូនពរដល់លោកអគ្គនាយកក្រុមហ៊ុន និងសហការី ឱ្យទទួលបានជោគជ័យប្រកបដោយផ្លែផ្កាក្នុងដំណើរទស្សនកិច្ចសិក្សាសមិទ្ធិភាពនៃគម្រោងវិនិយោគនៅកម្ពុជានាពេលនេះ។ ជាកិច្ចឆ្លើយតប លោកអគ្គនាយកក្រុមហ៊ុន បានគោរពថ្លែងអំណរគុណយ៉ាងជ្រាលជ្រៅជូនឯកឧត្ដមរដ្ឋមន្ត្រី និងថ្នាក់ដឹកនាំក្រសួងទេសចរណ៍ ដែលបានអនុញ្ញាតផ្ដល់ឱកាសចូលជួបសំដែងការគួរសម ពិភាក្សាការងារ និងផ្ដល់នូវអនុសាសន៍ណែនាំល្អៗ…

ចេញផ្សាយ ថ្ងៃទី ១១ ខែ កញ្ញា ឆ្នាំ ២០២៥ AKP ភ្នំពេញ ថ្ងៃទី១១ ខែកញ្ញា ឆ្នាំ២០២៥ — ប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) ត្រូវបានរំពឹងថានឹងធ្វើការសន្ទនាតាមទូរស័ព្ទជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) នៅក្នុងសប្តាហ៍នេះ ឬនៅដើមសប្តាហ៍ក្រោយ។ លោកបានប្រាប់អ្នកសារព័ត៌មានកាលពីថ្ងៃអង្គារ ដោយសំដៅទៅលើការសន្ទនាតាមទូរសព្ទដែលអាចកើតឡើងបានជាមួយមេដឹកនាំរុស្ស៊ីថា «បាទ! វានឹងកើតឡើង» ដោយលោកបាននិយាយបន្ថែមថា វាអាចនឹងកើតឡើងនៅក្នុង «សប្តាហ៍នេះ ឬដើមសប្តាហ៍ក្រោយ»។ លោក ត្រាំ ក៏បានធានាផងដែរថា លោកប្តេជ្ញាដោះស្រាយជម្លោះនៅអ៊ុយក្រែនឱ្យបាន។ កាលពីថ្ងៃទី០៧ ខែកញ្ញា ឆ្នាំ២០២៥ ប្រធានាធិបតីសហរដ្ឋអាមេរិកបានបញ្ជាក់ថា លោករំពឹងថានឹងជជែកជាមួយមេដឹកនាំរុស្ស៊ីក្នុងរយៈពេលប៉ុន្មានថ្ងៃខាងមុខនេះ។ កាលពីថ្ងៃទី០៤ ខែកញ្ញា លោក ដូណាល់ ត្រាំ ក៏បានបញ្ជាក់ផងដែរថា លោកគ្រោងនឹងធ្វើការសន្ទនាជាមួយលោក ពូទីន នាពេលខាងមុខឆាប់ៗនេះ។ កាលពីថ្ងៃទី១៥ ខែសីហា ប្រធានាធិបតីរុស្ស៊ី…

ចេញផ្សាយ ថ្ងៃទី ១១ ខែ កញ្ញា ឆ្នាំ ២០២៥ AKP ភ្នំពេញ ថ្ងៃទី១១ ខែកញ្ញា ឆ្នាំ២០២៥ — ក្រុមបាតុករនៅក្នុងប្រទេសនេប៉ាល់បាននិយាយថា ពួកគេបានកាន់កាប់ប្រទេសនេះឱ្យស្ថិតនៅក្រោមការគ្រប់គ្រងរបស់ពួកគេហើយ ហើយកំពុងអំពាវនាវឱ្យមានការបង្កើតរដ្ឋាភិបាលថ្មី និងការរៀបចំការបោះឆ្នោត។ នេះបើយោងតាមការចុះផ្សាយរបស់ទូរទស្សន៍ឥណ្ឌាថ្ងៃនេះ ដែលបានដកស្រង់សេចក្តីថ្លែងការណ៍ពីក្រុមបាតុករ។ នេះជាអ្វីដែលបានចាប់ផ្តើម ខណៈដែលការតវ៉ាប្រឆាំងរដ្ឋាភិបាលកាលពីប៉ុន្មានថ្ងៃមុនបានក្លាយទៅជាកុប្បកម្មដ៏សាហាវនៅថ្ងៃនេះនៅក្នុងរដ្ឋធានីកាតាម៉ាន់ឌូ និងទីក្រុងផ្សេងៗទៀត។ នាយករដ្ឋមន្ត្រីនេប៉ាល់ លោក ស្សាម៉ា អូលី (Sharma Oli) បានលាលែងពីតំណែង។ ក្រុមបាតុករបានដុតបំផ្លាញអគាររដ្ឋាភិបាលជាច្រើន រួមទាំងរដ្ឋសភា តុលាការកំពូល និងការិយាល័យរដ្ឋអាជ្ញា។ ផ្ទះរបស់អ្នកនយោបាយ និងមន្ត្រីជាច្រើនរូបក៏ទទួលរងការវាយប្រហារដែរ ដោយត្រូវបានគេរាយការណ៍ថា ហេតុការណ៍មួយក្នុងចំណោមនោះបានបណ្តាលឱ្យភរិយារបស់អតីតនាយករដ្ឋមន្ត្រី លោកស្រី ចាឡា ណាត ខាណាល់ (Jhala Nath Khanal) បានស្លាប់៕

ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងលោកជំទាវ ទុយ សិរីរតនៈ ប្រធានកិត្តិយសសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ក្រសួងព័ត៌មាន រួមទាំងថ្នាក់ដឹកនាំ មន្រ្តីរាជការនៃក្រសួងព័ត៌មាន បានអញ្ជើញចូលរួមក្នុងពិធីសូត្រមន្តបុណ្យកាន់បិណ្ឌវេនទី១ នៅវត្តពិភទ្ទរង្ស៊ី ហៅវត្តចិនដំដែកខាងជើង ស្ថិតសង្កាត់ស្រះចក ខណ្ឌដូនពេញ រាជធានីភ្នំពេញ។ ពិធីបុណ្យកាន់បិណ្ឌវេនទី១ បានប្រពឹត្តទៅដោយនៅថ្ងៃអាទិត្យ ១៥កើត ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៧ ខែកញ្ញា ឆ្នាំ២០២៥ វេលាម៉ោង ៣ រសៀល ឯកឧត្តម រដ្ឋមន្ត្រី នេត្រ ភក្ត្រា និងលោកជំទាវ រួមទាំង ឯកឧត្តម លោកជំទាវ ជាថ្នាក់ដឹកនាំ អស់លោក លោកស្រី មន្រ្តីរាជការនៃក្រសួងព័ត៌មាន បានអញ្ជើញមកជួបជុំដើមវេន និងពុទ្ធបរិស័ទដើម្បីប្រារព្ធបទនមស្ការចំពោះ គុណព្រះរតនត្រ័យ សមាទានសីល និមន្តព្រះសង្ឃ ចម្រើនព្រះបរិត្ត និងសម្តែងធម៌ទេសនា។ ពិធីបុណ្យកាន់បិណ្ឌវេនទី១ នឹងបន្តទៅព្រឹកថ្ងៃចន្ទ ១រោច ខែភទ្របទ ឆ្នាំម្សាញ់…